نختار اليوم إحدى قصائد الشاعر خالد البقمي لتكون في زواية قصيدة ونجم لهذا الأسبوع:

زار الخيال وطلته طلة اسهيل واستقبله غالٍ من اغلى ضيوفه ليلة طرب واطياب ورد ومناديل انغامها فوق الرموش معزوفه وقصيدة مثل الاصيلة من الخيل بالعز واحساس الشموخ معروفه وحلم العيون الناعسات المظاليل ترسم على عيون الشقاوي وصوفه سحر الطبيعة فيه جملة وتفصيل ومنين ماتغضي عيوني تشوفه كن الخيال اللي مزونه هماليل جدايله والبرق هزة كتوفة وجهة ليا ثار اشقرٍ كنه النيل وعن مفرعه عجزت تزيحه كفوفه بدراً تجادل فتنته فتنة الليل صعبٍ يكف النور والنور جوفه قلت أشرب الما من شاطىء القيل نبع الحنان اللي تماوج حروفه وقال الظما عندي ولا جارح السيل مروفة منها نريد المروفه وطال الحوار وبيننا تعب بالحيل اجي لها شاعر وهي فيلسوفه يملك وأنا املك من سلاح الرياجيل صبراً بوجه اليأس يعلن وقوفه واقفي على رجوا الوعد في المقابيل ويضيع وعده في ثنايا ظروفه بين الحيا ومقارن العدل بالميل تقبل به الرغبة وينحاه خوفه وان جابها حلماً بعيد المناويل كنها على من السحاب محذوفه