هذه القصيدة قلتها في فريق الشباب الليث الابيض بعد فوزه بالبطولة العربية الخامسة عشرة بتاريخ 24/6/1420ه.

يا ناس كاس الذهب جبناه جابوه الابطال ورجالي غالي علينا ويا محلاه واسمه على قلوبنا غالي فيصل عزيز ولا ننساه فيصل دوام على البالي ويالله عسى جنتك مثواه بريضانها دوم يا والي وجانا الخلف ربنا يرعاه سلطان قرم ومدهالي ونواف بن فيصل حياه وعسى السعادة لهم فالي وريّس بطلنا وكل اعضاه مع ليثنا بكل الاحوالي ابو عبدالله فخر وارساه وجه السعد ماله مثالي وخالد بن سلطان في مسعاه ما قصر الشهم باموالي وايضا ولد تركي واعطاه ياما عطا وجاد بالمالي وابطالنا فعلهم شفناه يا طيب ذربين الافعالي حارس بطل ذاد عن مرماه وخلى الجماهير تهتالي ودفاع قمة ويا مقواه كافح عن الليث بقتالي وفيه الوسط دايم تلقاه في قمته يشعل اشعالي وهجومه اللي عرف مغزاه واغرق خصومه بالاقوالي الليث خطط وجاب مناه بكاس رفع روسنا عالي بجهود رجال سعوا ببناه وشالوا صعيبات الاثقالي ومنا الشكر لاجلهم قلناه وللي سعى وشال الاحمالي