هذه المحاورة جرت بين الشاعرين أحمد الناصر وخلف بن هذال:
أحمد:

يا سلامي سلام له وجاه وجاه ردة قلتها والناس توحيها يا خلف كل بيت جودوا مبناه والسوالف تشجعها معانيها

خلف:

مرحبا وابتداك الليل وخذ أتلاه والليالي نجددها ونحييها يا أحمد الناصر الساري على مسراه وابحث النار وأقبسها وأطفيها

أحمد:

كل طرقي مع الطرقة يحسب خطاه ينتبه لأول الطرقة وتاليها صاحبي صاحبي يلزم عليّ ارضاه ودي أضحك عيونه ثم أبكيها

خلف:

كل طرقي يسير وتطلعه يمناه والرعية تعيد لحظ راعيها كان طرق المناير حط لك مرقاه لاتوهق على الدنيا وتخطيها

أحمد:

الخبل فوق راسه مركي العرقاه لين يركن علوم قبل ناسيها ياخطيب كتب خطه ولا يقراه ما درينا عيونه وش معميها

خلف:

أنت غادي وخصمك عارف ممشاه ديرتك جعل وبل الغيث يسقيها من خطر ذيب داغي تتموت الشاه ذاهبة كنت أسرحها وأضويها

أحمد:

صاحبي يحسب العربان في مخباه والفريضة نساها ما يصليها عقب ساعة يروح مقيط ورشاه لا يجيب العلوم ولا يوديها

خلف:

صاحبك يحرصك وأحرص على دنياه عمة كل يضحكها ويبكيها