نشرنا الاسبوع الماضي لغزاً للشاعر محمد الحميدي السيحاني يقول فيه:
أنشد العراف عن رجلٍ قديم له لسان شايله فوق الظهر مرتخ الكفين ما يمشي عقيم فيه عدل ومرضي كل البشر وقد جاءت الحلول التالية: يا معد النشر يا الرجل الفهيم ياللي لك باعٍ طويل مع النشر جاك حلي مثل نسناس النسيم كاملٍ وصفه على (الميزان) مر وليت حضرتكم يوصل للحشيم حلنا يقراه في جوف المقر |
محمد المويعزي الحربي
بريدة
يا محمد يالحميدي يا فهيم لغزك المازون بالصحف انتشر لغزك الميزان والله العليم بالعدالة مرضي بدو وحضر |
سعد بن صنهات السهلي
الدرعية
خذ جواب اللغز بالدر السليم يا عميل الخير جاكم بالشعر قلت انا الميزان جعلك بالنعيم منولٍ موجود واليوم اندثر |
محمد بن عبدالعزيز الخنيفر
يا هلا ما لاح براق العتيم ساري بالليل مع سحبه عبر يا محمد والكلام امن القصيم عبر التراث اللي بها صدق الخبر ميزان كيل طففه رجل سقيم صادق ماحط به قاس او صبر |
فهد بن عقيل الطويان
بريدة
مرحبا باللغز من رجل كريم مرحبا به عد ما هل المطر ما يحل اللغز كود ابن الفهيم ودايم الميزان للحق انتصر |
عبدالمجيد جزاء المغيري
مطربه
مرحبا بك يالحميدي يالعديم مرحبا ترحيبة كثر المطر لغزكم واضح وهو لغز سليم بان ميزان العدالة ومرضي للبشر |
علي سعد علي الدوسري
وادي الدواسر
بديت بالرحمن علام حكيم عالم خفايا الناس سر والجهر ذا هوالميزان عدله مستقيم متداول بين الخلايق والبشر |
رشيد بن حمد الطرفاوي
طريف
يا هلا بك عد ما هب النسيم او عدد ما سال وادي وانحدر الرجل ميزان من وقت قديم جاك علمي وننتظر منك الخبر |
فيصل بن فهد الراضي
قصيباء
مرحبا ترحيب من قلب سليم بالرجال اللي لهم عز ووفخر لغزك الميزان يا الشهم الكريم فالعدل معروف ياحرٍ شهر |
ضمن السناني
كل من يمشي طريق مستقيم يعتبر ذا الوقت رجل معتبر نحمد الله مملكتنا في نعيم معنويتها على سطح القمر امن والايمان والخير العميم نعمة تحتاج يا محمد شكر خيرها عم المواطن والمقيم وحسادها عاشوا بغيبوبة قهر حكمها القرآن والشرع القويم والعدل ميزان لحقوق البشر |
الزلفاوي
الزلفي
عدما هبت ذعاذيع النسيم مرحبا ترحيبة تنثر عطر يا جماعة كنها روضة خريم الخزامى والنفل غطى الشجر الرجال اللي لهم نهج سليم صفحة وصلوا بها سطح القمر مبدعين وحصلوا رجل حكيم شعارها الميزان فيها نفتخر |
محمد عبدالكريم الغزي
الزلفي
بسم رب في مخاليقه عليم والسراير عندنا عنده جهر لغزك الميزان حله يافهيم عند من يشري ويبتاع اشتهر |
سرور سفاح المطيري
القصيم - المذنب
يا هلا واعداد ما هب النسيم وعد ما يمطر سحاب وانتشر يوم انا دايم وللصفحة نديم واجب اعرف حل لغز قد ظهر حله الميزان معروف قديم جاك حله يا الحميدي مختصر |
سعود بن عفاس الدرع
الرياض
لغزكم محكم وحلاله حكيم وكل صاحب حل له وجهة نظر (قالوا الميزان) رجال قديم قلت رجال على الدنيا صبر |
محمد بن عبدالرحمن الصادق
النفل والعشب وبراد النسيم والخزامى والزبيدي والزهر دونها شهرين والمولى كريم نطلبه غر السحايب والمطر يا الحميدي جاكم الحل السليم حله الميزان يا وجه الظفر |
صالح سفر العمري
يا مرحبا بالحميدي وكل رجل كريم عداد ما ينشر بالجزيرة من خبر اللغز حليته وأنا فطن فهيم وما انشد العراف وعلومي بحر ذا هو الميزان وحسابه سليم مذكور بالسنه وبالذكر انذكر |
عبدالعزيز محمد الودعاني
يا سلامي كل ما هب النسيم حامل معه قطرات المطر من ضمير لا مريض ولا سليم من قرار الارض يحلم بالقمر كان حل اللغز رمزه حرف ميم لغزك الميزان والغايب حضر |
نافع الحربي
الرياض
ابتدينا باسم رحمن رحيم وحان حل اللغز في نشر الخبر يا محمد قلت والمعنى حكيم لغزك الميزان كضوء القمر |
منور راجي العنزي
الجوف
الحميدي قال وش رجل قديم له لسان شايله فوق الظهر لغزه المذكور واضح للفهيم ذلك الميزان ما زاد وقصر من حكم له دوم ما يلحقه ضيم لا تساوت كفتينه لا ضرر |
عبدالرحمن عبدالعزيز المحرج
المجمعة
الجزيرة نهجها نهج سليم اسمها بين الجرايد مشتهر عدلها (ميزان) واضح للفهيم وبالثقافة نبعها مثل النهر |
مطلق الشراري
عرعر
الأمن في بلادنا دايم مقيم نطلب المولى على طول الدهر يا محمد لغزكم زين وسليم حار به فكري بلحظات وعبر ذاك ميزان ويعرفها الفهيم قايم بالحق من كفه ظهر |
مشاري خالد الدعجاني
الوشم - شقراء
يا محمد بن الحميدي يالعديم لغزك اللي قلت عرافه حضر لغزك اللي قلت يفهم له فهيم والله انه واضحٍ مثل القمر نوع من ميزان والمعنى قديم وله اخوانٍ شكلها توه ظهر |
نايف سالم الشراري
القريات
مرحبا يا صايغ اللغز السليم مرحبا بك عد همال المطر جاك حل اللغز والله العليم عالم الخافي وعالم ما ظهر لغزك الميزان دايم مستديم حاكم بالعدل ما يحكم بشر |
علي هلال المعيبدي الحربي
ما نفع كثر التحرص للغشيم يحدث المكتوب ما فاد الحذر لا يغرك صاحب الراي السقيم الفطين اللي من الوقت اعتبر الهدف معروف والمبدأ سليم يعرف المعنى من سياق الخبر صفحة تراث الجزيرة يا فهيم راجح ميزانها فيها درر |
موسم بن سفر القثامي
الطائف
مرحبا بك عد ذعذاع النسيم يا محمد لغزك الفتنا النظر ادري انك تطلب الحل السليم من قريته حله ببالي خطر حله الميزان وافهم يا فهيم واشكر الصفحة على نشر الخبر |
ماجد فيحان بن راجح المغيري
الرياض
احمد الله واطلبه خير عميم يرهي الوسمي علينا بالمطر اشهد ان اللغز من رجل فهيم عادل الميزان بيته ما انكسر |
محمد البواردي
الرياض
