حبك بقلبي يا أريش العين مزروع
محبتك,, كل بعيني قراها
فتحت لك قلب,, عن الغير ممنوع
وملكت روح,, ذرتك في ذراها
وهرج العواذل فيك,, مهوب مسموع
وأنا العواذل,, دايم ألعن ثواها
ولا اصفط لك إلا كل خير ومنفوع
وعنك أبعد الأحزان,, وأقلع مداها
وأهل الهوى ما بين لايع ومليوع
ونفسي جفاك اليوم سبة عناها
بيت المحبة,, عنّه النور مقطوع
والدار عقبك,, شان وأظلم سماها
ضميان في حبّك,, وذابحني الجوع
والكبد طول البعد,, زوّد ضماها
ليلي هواجيس,, ومنامي على الكوع
والعين لاجاء الليل جاها بلاها
عينٍ نظرها,, لوتبي,, جاك مدفوع
لا واحسافه,, صار صدّك جزاها
يكفي جفا,, يكفي تجاريح ودموع
أظن نفسي,, جالها ما كفاها