يا حلم عمري بليل الشوق سامرني
خذني من الوحدة اللي كم تخلوت بي
بمان عطفك وطيبة قلبك اشعرني
مشاعري من عشمها فيك شاحت بي
انا دخيلك على اعتى اعداي ناصرني
بدد حشود الجموع اللي تهقوت بي
وان كنت لازلت غامض سر كررني
تلقى الجواهر بها الزينه وزانت بي
احكم بحكم اليقين اللي يساورني
عندك خبر بالسفينة كيف وصلت بي
ابحرت والموج عاندني ولا اجبرني
لين اني اوصلتها ميناك وارست بي
لا يخيب فيك الرجا يالقاسي المرني
ان غاب نجم السماء والارض دارت بي
