تل قلبي غرام وتل قلبي ولع
تل ركبٍ مع المظماه تله شجيع
يورد الهايب اللي صاب قلبه هلع
يم حوض المنيه لين قلبه يضيع
وانت تليت قلبي بين زين ودلع
يا طويل المعنق شوفتي لك ربيع
عين حرٍ تنهض للمطير وشلع
شاف جولٍ وروح عقب ضربه مزيع
والشعر ذيل شقراً حدر شيخ قلع
خيل ضده قلعها في نهار شنيع
وانت مثل القمر في طلته لا طلع
كل عذرى جميله مع جمالك تضيع
اشهد اني مولع فيك كلي ولع
من شرى من يحبه لا حشا ما يبيع
