أسهر يسامرني خيالك وذكراك

وحبك بشرياني جرى كيف ما أبيك

حلفت بالله يامنى القلب ما انساك

قلبي معك كنه يجوفك يناجيك

ارسل سلام القلب مع كل من جاك

ودي تطفي جمرة البعد بيديك

وده يبيع العمر لاجلك من أغلاك

ودي اشوفك في عيوني وأناديك

يرتاح قلبي كل ما أسمع بطرياك

وأهل دمعي كل ما اذكر لياليك

بسباب حظي قلت يازين ما أقساك

وشلون تتركني وأناحيل مغليك

يانور عيني ما تسوى سواياك

لازاد شوقي زاد زوده تغليك