من نظرتك يا صاحبي صار الاعجاب

نظرات عينك يا حبيبي رمتني

رميتني يا زين في سود الأهداب

ضيعتني في نظرتك واذبحتني

إرفق بحالي من سبايبك منصاب

منصاب وفعول الغلا بهذلتني

لقياك هاك اليوم يا سيد الأحباب

أكبر سعادة يا الغضي واجهتني

انت الصديق وغيركم كله أجناب

أوصاف شكلك يا الحبيب أعجزتني

من سبتك كن القدم قارصه داب

محبتك يا نور عيني حكمتني

الحب مثل السيف وانتِ له نصاب

يا وردة فوق الغصون جذبتني

يامي يا زملوق ياغض الاعشاب

دنياك هذي من لقاك حرمتني

عليك خفاق الحشا يالغضي ذاب

ذوبتني في صرفتك واذهبتني

حبك خذا قلبي وللقلب جذاب

يا حيف من سيد البنات أحرقتني