شمس الضياء غابت ولا باقيٍّ ضي
نور القمر قد غاب باوسط مساها
وقامت نواميس العنا تشتعل في
ومن اللهب محرقني شظاها
اوراق عمري ذابلة ما بقى حي
ذكرى الطفولة دوك قلبي نساها
اهيم مع فكري واسرح به شوي
وانشد ليالي الشوق عن مبتداها
وعيني على الفرقا طوت رمشها طي
تبحر بعيني والفؤاد احتواها
لا واشقى قلب ولا فادبه شي
ساس المحبه فيه يضوي سناها
في خاطري كسرٍ ويحتاج للمي
بشفي لهيب النفس واجبر عناها
واخفي دموع الشوق واطوي الحزن طي
وتشرق علي شمس مطول مساها
