نشرنا في الاسبوع الماضي لغزا كتبه الشاعر ناصر المسيميري ويقول فيه:
انشدك عن بيت على طول مأهول بيتٍ وحيدٍ ولاش مثله يحاليه في البرد مايدفي وهو شامخ الطول وبالصيف حر ولا تظلك مبانيه |
***
وقد جاءت الحلول الصحيحة كالتالي:
يا ليت للشرهات قاضي ومسؤول نشكي عليه الحال والسر نبديه عامين يا ناصر ولاشفت لك زول وبيتي إبدربك كل يوم اتعديه لي شرهة حيثك على الطيب مجبول وإلا الردي مالي ابشوفه وطاريه البيت بيت الله ولا هُو بمجهول هو قبلة اللي رب الأرباب هاديه |
فهد عقيل الطويان ,, بريدة
***
يا مرحبا ترحيب صادق ومقبول ترحيب غالي يوم رحب بغاليه اللغز حله عارفينه على طول بيتٍ بمكه والي العرش حاميه |
جهاد المطيري - وادي الدواسر
***
ناصر حبك له لغز محكم ومفتول مدري زعل والا بيعلن تحديه اخذت ادور عنه والفكر مشغول مره بعيد ومر نقرب حراويه بعد عرفت الحل مدري وش اقول اخاف نبد الراي ثم يزعل البيه البيت هو (كعبة) لها رب مسؤول حماه من جند ابرهه يوم تنويه |
موسم بن سفر القثامي
***
يا ناصر اسمع جابتي ويش ابا قول خذ الكلام الصدق حيث انت راعيه يا بن الرجال اللي لهم ذكر وفعول الحل بالصفحة بشاية الله تلاقيه ترى الحرم دايم على الدوم ماهول ومشرفه ربي بكعبة وحاميه |
فيصل بن فهد الراضي - قصيباء
***
نبدي بذكر الله قبل نبدي القول رب كريم كل حيٍ يراجيه اللغز يا ناصر على الفور محلول البيت مكه حظ من قال لبيه |
منور راجي العنزي - مطار الجوف
***
عبر التراث اقدم الشكر واقول يا مرحبا يا شاعر نفتخر فيه في خدمة الموروث ناصر على طول بالجهد متواجد عسى الله يقويه انا اشهد ان اللغز محكم ومفتول لغز الفهيم اللي سليمه معانيه يقول بيت الله على طول ماهول بيت وحيد ولاش مثله يحاليه |
صالح سفر العمري
***
يا ناصر المعنى فهمته على طول معناه واضح يا فتى لو تخفيه البيت اللي دايم من الوقت مدهول كسبان يااللي راح يمه وناصيه |
عبدالله خليف رشيد الجهني
***
الحل واحد ما يبي عدة احلول وما ضنتي يصعب على الحل قاريه بيت الله المعمور يا صادق القول يذكر علينا الحج لا حل طاريه |
مبارك الشراري - طبرجل
***
من الفرح محتار مدري وش اقول بقدوم ابوبشار والله يحييه حظ الجزيرة شي ماهو بمعقول اسنين واجد تنتظر له وترجيه اللي على الاخلاص والصدق مجبول جاها يشيل اورود الابداع بيديه يا مرحبابه عد ماهل هملول ومن حج بيت الله وطافوا حواليه |
محمد بن عبدالكريم الغزي - الزلفي
***
اللغز يوم انه جذبني على طول شاركت في حله على وزن راعيه مقبول يا حل على الفكس مرسول وارجي عسى مستقبله يعتني فيه في كل مره لغزكم شامخ الطول الله يسلم بيت مكة ويحميه |
بشاير محمد الفايز
***
ماهو بذا منطق ولاهو بمعقول فعلك ترى ما حدٍ تجرا يسويه جيتك يا ناصر من الحول للحول راع الوفا مثلك نعزه ونغليه ما كل زول يعيض بغيابه الزول ومثلك يعرف العلم ماهوب خافيه بعض البشر لو غاب ماهوب مسؤول والبيت ربه يا ابيض الوجه حاميه |
المرسل: الزلفاوي - الزلفي
***
اللغز يا ناصر له أبواب وقفول ما يفتحه إلا الذي بارع فيه أكيد لامن جيت للبيت مذهول من عالم تتطاف لله ترجيه البيت بيت الله وللغز مدلول من كل صوب الناس يا القرم تاتيه |
راشد بن ناصر الشقيق - الاسياح
***
اهلا وسهلا عد ما هل هملول واعداد سكان القصيم ومبانيه يا شاعر كتابك ألغاز واحلول على هواة اللغز بانت حسانيه واختامها (بيت الحرم) حل للقول جاكم جوابه واضحات معانيه |
صالح عبدالله التميمي - الرس
