ابتدا المشوار والخطوة ثقيله
والمسافة تنتهي عند السراب
الأمل نسيان والذكرى تجي له
بالعيون القاه عني ما تغاب
انتظرت ومر بي عشرين ليله
غيبته فيهن تحملته عذاب
الثواني عمرها لي طال جيله
والدقايق تنتظر مثلي جواب
للمناوي بالسما جنحان خيله
والحراوي واقفة قدام باب
لو شكيت الهم غيره من يشيله
او سريته ما توصلت لعتاب
احتملت وذاب صبري من دخيله
نار شوقي ما تحملها وذاب
وابتدا المشوار والخطوة ثقيله
والمسافة تنتهي عند السراب
