مبروك يالأزرق تشرفت بالكاس
والكاس يتشرف بحضرة جنابك
كلك ذهب كلك جواهر والماس
حققتها بجهود خيرة شبابك
المجد يفخر بك من الساس للراس
حتى البطوله صايره من صحابك
فيك الدفاع وفيك من خير حراس
وفيك الهجوم اللي يحقق طلابك
جمهورك المغوار من خيرة الناس
يسعد في حضورك ويكره غيابك
كأنك بحر لاهاج من غير مقياس
كل السفن بالغصب لازم تهابك
لاباس لا خذت البطولات لاباس
خذها وسجلها بداخل كتابك
والكاس تفخر به ويفخر بك الكاس
والكل يتشرف بحضرة جنابك
