أنت ياللي كل ما قولوا هلال

صفقوا بالقلب من دون اليدين

بالحنايا لك مواريف ونزال

وبالملاعب لك جماهير وعوين

ولك بقلبي كل ما يطري سؤال

قمت أجاوب عنك لحظة لحظتين

لحظةٍ تقبل وأغنيلك تعال

ولحظةٍ تنبض عشانك نبضتين

كل زينٍ فيك ما قالوا يقال

والبطولة فيك ما قالت: لوين

كنها تقرا على روس الجبال

للزعيم الفوز قالت: جاهزين

وجيت كنك واديٍ بالحبر سال

لو محاك الكاس ما تمحاك عين

تنكتب بالصدر مفتون الجمال

وينشرح لك فوق صدري وردتين

من جنوب القلب وإلا من شمال

وانت الأزرق كل ما جت هجمتين

لك جماهير على كف الوصال

بالرخا تنبان والشدة تبين

عن لزومك كل ماجالك مجال

ودها تسألك لو هي كلمتين

ليه موجك كل ما يصفق بجال

يرتجف منه خفوق وقفلتين

انت يااللي كل ما قالوا هلال

صفقوا بالقلب من دون اليدين