نشرنا في العدد الصادر يوم الجمعة 21/6/1420ه على هذه الصفحة قصيدة للامير الشاعر خالد بن سعود الكبير,, كانت حديث المجالس مما حدا بالشاعر المعروف عبدالعزيز الشهيل الى كتابة القصيدة التالية,, معبراً عن اعجابه بما حملته تلك القصيدة من معان حيث يقول:

أبيات شعرٍ عطرها غالي الطيب طابت وبالي حيل رايق وطايب جاريتها مغرم بفرحة وترحيب ترحيبة العاشق بعاشق وغايب شعر الامير اللي بعيدٍ عن العيب خالد سهم شعره للابداع صايب يغوص بحر الشعر تكرار ويجيب من غبته درٍ ثمين وغرايب متميزات بالجمال وأشابيب ما يقربن لحدود خد المعايب مطمع لعشاق الجزيل ومطاليب ولمشوهين الشعر شر وعقايب يا أمير راع الكذب لا يمكن يطيب دايم يحب المخطية والنشايب يبغى صفو نهر المحبه غثاريب ويبذل لعلم الشر كل السبايب حب الشرف مروابه اهل المواجيب ولا فيه عيب بعين شبٍ وشايب ياما ركض في روض مدها لهن ذيب هاوي ولا حصل وراهن كسايب حذرات من نقالة الشك والريب اللي تبدل خير الأمة مصايب حورٍ يسوّن بالرجال الاعاجيب مثل الزهر بنحور صلف الهبايب شف يا طويل العمر كثر المصاويب بدروبهن ياما سمعنا العجايب واسلم ما لاح البرق شرقٍ وتغريب وما داج في نجد العزيزة نجايب