ياهل القصيد مراسلين الجريده
فيه اعتنوا تكفون بالكم والكيف
وادروا عساكم في حياة سعيده
ان القصيدة اشعور واحساسٍ ارهيف
ما كل ما قفي يسمى قصيده
بعض القصايد مثل بعض السواليف
بيت بلا معنى وجملة مفيده
اشبهه رميٍ على غير تهديف
الشعر أدب ما كل قايل يجيده
فن الفكر وهبه وتحتاج حريف
والشعر بحرٍ يختلف نوع صيده
واجد يرودونه وفيهم تخاليف
احدٍ يغوص وجاب دره فريده
واحدٍ قنع بالصيدة اللي على السيف
شاعر تجي نظرات فكره بعيده
فاهم وعنده زود خبره وتثقيف
بيته افمي الناس دايم تعيده
على افمي الخلق له دوم تشريف
وشاعر قصيده ينقصه ما يزين
فاهم وعنده زود خبرة وتثقيف
اقولها واشعر برغبه اكيده
لقرايه اشعار الرجال العواريف
اشعار ناسٍ من قراها تفيده
عملة حقيقية مهي عملة الزيف
