ابو سلطان: وش تبغى يا اخ ,, ؟
المشرف: نبغى نقدم للمريض وجبة عشاء .
ابو سلطان: وانت من انت؟
المشرف: انا المشرف على التغذية, انت من انت ,,, ؟!
ابو سلطان : انا ابو سلطان, اخو المريض.
المشرف: طيب نبغى ندخل.
ابو سلطان: ممنوع,,,.
المشرف: هه, مريض ونبغى نعطيه عشاه, افتح الطريق
ابو سلطان: ممنوع,,,.
المشرف: الزيارة منتهية وش جلسك الى ها الوقت؟
ابو سلطان: من شان امنعك انت واشكالك
المشرف: انت مجنون, افتح الطريق خل نشتغل.
ابو سلطان: ما فيه شغل, رح للي ارسلك قله منعنا ابو سلطان
المشرف: يا ابن الحلال لا تغثنا
ابو سلطان: انت اللي تبي تغثنا, تجيب لاخوي طعام وهو ممنوع من الاطعمة ,, ؟؟!
المشرف: اخوك ما منع عن شيء, اخوك عنده كسر خل نعطيه طعام يجبر كسره .
ابو سلطان: طعامك هذا يبغي يحل كسره, ويسبب لاخوي ضرر, وبعدين المنع جاي من الطبيب .
المشرف: هذي طبلة المريض معي ما فيها منع وشلون تقول ان الطبيب مانعه .
ابو سلطان: ما شفت اللوحة ,,, ؟!
المشرف: وين اللوحة ,,,, ؟
ابو سلطان: شفها على الجدار, شف مكتوب احذر الدهون والرطب يعني التمر وشلون تبغى تدخّل طعام لاخوي ,, ؟؟!
المشرف: هذي اللوحة ,,, ؟
الله قل امين يعطيك العمى.
انت وش تشتغل ,,, ؟
ابوسلطان: عندي ورشة أوضب حراثات .
المشرف: شف يا راع الحراثات حنا عندنا بالمستشفى ترميم والجدار مدهون بوية واللوحة تقول:
احذر الدهان رطب.