* الرس مكتب الجزيرة حسين محمد الصيخان:
* يقول خالد بن سعود الكبير:

عمار يادرة الاوطان يا مهبط الوحي يا بلادي مجدك ومجدي غدوا صنوان وميلادك الضخم ميلادي الله يديمك على الايمان والله يعزك على العادي العز في شرعه القرآن والهدي من سنة الهادي

* يقول بدر بن عبدالمحسن:

عزنا الاسلام هو غاية فخرنا فيه سر وجودنا ونموت دونه ارضنا ارض الذهب وانقى المذاهب والرجال اللي عهدهم يحفظونه اصلنا حنا العرب واللي سوانا من ثرانا الخصب قد نبتن غصونه هم عهدنا ما قروا التاريخ والا قد قروا التاريخ لكن ما يبونه

* وفي قصيدة اخرى يقول:

الله الاول وعزك يا الوطن ثاني لاهل الجزيرة سلام وللملك طاعه حنا جنود الحرس للقايد الباني رمحه,, ودرعه وكف الشيخ وذراعه مثل السيوف البواتر وان جنى الجاني يضرب بها ارقاب من بالدار طماعه من بان عبدالعزيز وصبحنا باني ما عاد نقبل ظلام الليل لو ساعه في السلم يشهد لنا عمار الاوطاني وفي الحرب لارواحنا للموت بياعه حنا سياج الوطن عن كل عدواني والجيش والامن ساري العز وشراعه

* ويقول في قصيدة اخرى:

(صرخة) ذكرتك يوم وليوم موعود لجل الوفا لراعيك موفي الوعايد كني بوقت راح حاضر وموجود في يوم عشاه المجد,, عله هايد وكن (المربع) توه اليوم مشيود جدران طين اطمام سقفه جرايد قصرٍ بني للعدل والطيب والجود سوره ذرى للناس وفرشه وسايد

الى ان قال:

يا درانا عدك من الناس ما رود خيرك على الدنيا قريب ونايد ويادارنا بابك عن الذل موصود وزهر الفخر نبتك قديم وجدايد

* يقول ماجد العتيبي:

جيتك مقدم يا وطن روحي على كفي فدا جيتك وانا حب سكن بارضك ولا يوم غدا من مولدي حتى الكفن شامخ ارد كيد العدا عليهم اقدامي وطن وجهودهم راحت سدا في صدر حاسدنا سطن طعون سيف له صدا

* يقول عبدالله الصقري:

الله يزيدك بالسعد يالجزيره يا ام العروبة حضرها والعشاير جاك الفرح والخير يسبق بشيره مع صفوة آل سعود عز العشاير العز لك مضمون في كل ديره مع كل عصر لك زعيم ودواير والله حكم لك بالمزايا الكثيره بالمصطفى والبيت والحج داير والله بعث لك من خيار العشيره اهل الوفاء والدين واهل البصاير