اليوم يا صاحبي ما عاد تعنيني

ذاك الغلا اللي تخبره ولت أزمانه

ليه الجفا ليه باللوعات كاويني

وأنا الذي كنت أكفكف عنه أحزانه

امنول كنت عندي مالي عيني

واشوف فيك القصايد زانت أوزانه

كنت انتظر منك ترجع لي تواسيني

وان كنت مخطي حبيبي قول من شانه

تدري حبيبي اعزك يا معنيني

وتدري ان قلبي تطيب بقربك اشجانه

واليوم صارت فوارق بينه وبيني

يدري بظروفي,, وانا ما اسعى لهجرانه

ياحلم,, كان بحياتي شلته سنيني

كان الثمر نقطفه من داني اغصانه

وان كنت يا صاحبي بالحيل تغليني

حتى ايش لو كنت مخطي قول من شانه