حبيبة امس تسألني علامك يا حمد سهران
حبيبة امس ما تدري عن علوم مخفيها
هي جروحي هي التعذيب هي الالام والاحزان
لقيت بقربها نار عسى الفرقة تطفيها
بعيدة كانت الحاضر قريبة صارت الحرمان
اشوف الموت في صورة خدعني شكلها فيها
لها الدمعة لها الذكرى وانالي نعمة النسيان
وحرام ابين الخافي وحلال ابعد واخليها
انا قررت اتركها واخاوي الصد والهجران
واعز النفس وارفعها عن الزلات واحميها
رفيع الراس ما اخضع لغير الواحد الرحمن
وحلم البنت بعد الهجر ادورها واراضيها
براد الوقت في عيني تغير واصبح البركان
هي بنية وما صدقت تكذب يوم احاكيها
هي البلسم وانا امسيت سبايب بلسمي مرضان
مثل نفس يعذبها الطبيب اللي يداويها
هي الظلمة وخافيها بنور الشمس لاح وبان
وبيّن لي حقيقتها ولا اقدر اداريها
ويكفي انها بدوني حمامة مالها جنحان
تطير وارضها اقرب من نجوم تراعيها
ختمت ابيات مكتوبة وحبيبة امسي العنوان
حبيبة امس ماتدري عن الدنيا وبلاويها
