والله ما لوم اللي على خله يغار

ما دام جات النفس عندي غيوره

عليه اغار من البشر وين ما صار

والنفس لا غارت عليه معذوره

غالي وله عندي معزة ومقدار

وما ودي إن شيء يكدر شعوره

والحب يبقى بين الاثنين تذكار

محفوظ سره لو كبر حمل جوره

محبتي وياه ما مثلها صار

في وقتنا الحاضر على أيات صوره

هذا كلام اللي من الولف محتار

وصايع وتايه في رواسي بحوره

غرقان في بحر الطواري والأفكار

ومحتاج للي ينقذ القلب شوره

اللي على شانه تحملت الأخطار

ولولا وجوده صرت أنا في خطوره