المنظر اثنان من الفنانين امام احد المطابخ يتقدم منهما شاب منصور
منصور: السلام عليكم,, أهلاً والله فرصة سعيدة.
جار الله: عليكم السلام الله يحييك.
منصور: اعمالكم ومسلسلاتكم اروع من الروعة الله يخليكم.
باهر: الله يحييك فرصة سعيدة,, انت تشاهد فاح مافاح؟
منصور: الله,يومياً,, اجلس قبل الموعد بنصف ساعة.
جار الله: ايش اللي يعجبك بالبرنامج؟
منصور: افكار البرنامج, مثلاً, النصوص عندكم متعوب عليها, يا أخي تلمسون مواضيع حياتية حساسة وفيها بُعد.
باهر: الله يخليك أيش المواضيع اللي قدمناها واعجبتك؟
منصور: كثير , الضبان, وسوق الحمام.
جارالله: ايش اللي اعجبك بها الحلقتين؟
منصور: واضح طال عمرك, حلقة الضبان تقصدون فيها حماية البيئة, وسوق الحمام تقصدون فيها اتفاقية القات والعولمة, لاشيء واضح وله ابعاد غير عادية
باهر: الله يخليك, فعلاً هذا الهدف.
منصور: عفواً ما ادري وين صاحب المطبخ؟
جار الله: جاي, راح مشوار وجاي هالحين, هه جاء.
منصور: اهلاً يا معلم, خلص الغداء؟
الطباخ: اي غداء؟!!
منصور: الغداء اللي جبت لك ذبايحه الصباح.
الطباخ: الذبايح تسمعك بالحوش ماذبحناهن
منصور: ليش,؟؟!!
الطباخ: الاتفاق على عشاء ماهو غداء.
منصور: ياساتر عليك, الضيوف بالبيت, انا متفق معك على غداء.
الطباخ: معك الورقة مكتوب فيها عشاء.
منصور: طيب والحل,؟!!
الطباخ: والله ما ادري دبر حالك,, خل ضيوفكم يروحون ويجون على العشاء.
منصور: لا يا اخي وشلون ما يصير, خل اكلم الوالد بالتلفون يشوف لنا حل.
جارالله: شفت اللي صار يا باهر؟؟
باهر: شفته
جار الله: وسمعت اللي صار؟؟
باهر: سمعته
جارالله: وش رأيك؟؟
باهر: فكرة الحلقة الباقية من برنامج
جار الله وباهر,, فاح,,, فاح,, فاح مافاح