يقولون حلمك يم غيرك تسير اخطاه
كثير الحلوم ومطلبك صعب تحظى به
وكلن على بيره يحسب لطول رشاه
لزوم تفوق وموقفك تحسب حسابه
وانا اقول ياللي تعذل القلب لاتقصاه
كفا به صواب بان في القلب مضرابه
وخله يسجل بحلم ليل علي مسراه
يقرب بعيد واقشر الحظ ماجابه
اسامر نجوم الليل واسلى مع ذكراه
واخاوي نسيم الشوق وآقف على بابه
أزاور لطيف الروح وأجيه في ممساه
وأقضي معه وقت من الليل يسلابه
إلى من تبين يخجل الليل من قمراه
ولامنه سلهم يسلب العقل بأهدابه
ولامن تبسم ياخذ القلب حمر اشفاه
وبياض الثمان بحمرة الورد يزهابه
الا يا عذولي ليش قلبي علي تنهاه
عن الحلم واثر الحلم هو الذي جابه
أبحلم,, واسافر,, واتبع الحلم لين اقصاه
واسلي خفوق مسلك الحب ما عابه
وبرحل بعيد عل حلمي يجي والقاه
وبترك كتاب الحب للناس تقرابه
