أخاف ترجع دنيتي رعد وبروق
واعيش بالآهات باقي زماني
ما كنت متسرع ولا نيب ملحوق
جرح مضى من وقت ما بيه ثاني
ما ظن للفرحة مواعيد وشروق
وما عاد باسم الحب طعم ومعاني
حزين انا والقلب بالهم محروق
ساعات أبكي حيل وأضحك ثواني
فرطت في حبي شقاوي ومطفوق
ما كنت أفرق بين قاصي وداني
نساني الفرحة ونساني الشوق
حتى الثقة راحت مع اللي بلاني
جيته وفا واخلاص لاقان بعقوق
حطم احاسيسي وكل الأماني
خلاص ماله حق ما بي له حقوق
يعرف مكانه وين وأعرف مكاني
