يا (بويب) تاج العز توّه زها بك
علاك شيخٍ في المواجيب نلقاه
ذكرى لابو تركي تعلّت قبابك
راعي هل التوحيد يا طيب ذكراه
حويت شيخانٍ بواسع رحابك
سلطان جمّعهم ويا زين ملقاه
ريف المحل لي شح عنك زهابك
ولين اظلمت سود الليالي بتلقاه
يضوي كما بارق بروقه تشابك
لين ناض برقه قلت يا زين مسراه
تلفي كريمٍ للمشاكيل حابك
يسراه ما تدري عن اسباب يمناه
سلطان رد لك يا بويبٍ شبابك
جعل المشيب اللي بلى الناس ينساه
حمد مع سلطان عزّوا جنابك
وحنا لهم في وسط الأمواج مرساه
نبغي نعلق رسمهم فوق بابك
ذكرى تجمعهم ويا زين طرياه
