مبروك يا سلطان يا وجه السعد
اهل لها يا قدها وقدودها
لمواصل المشوار حنا لك سند
ربانها قود السفينة قودها
كنت العضيد المجتهد يا بو فهد
لين الرياضة حققت مقصودها
واليوم قايدها وخذ منا وعد
ان عانق الامجاد لاقصى حدودها
والراية الخضراء ترفرف بالسعد
مرفوعة بالعز حنا جنودها
سلطان يا سلطان يا نسل الفهد
ياميرنا المحبوب لك مردودها
واميرنا المرحوم له منا عهد
ذكراه في كل القلوب ان عودها
يا فيصل المرحوم ما تنسى ابد
يقولها سلطان حنا شهودها
فيصل رفع شان الرياضة والبلد
لين اثبتت صولاتها ووجودها
سلطان يا سلطان يا وجه السعد
انت العوض قود السفينة قودها
