الاهداء الى النائف الشامخ للذرى,, الغصن المتفرع من ذلك الجذع الفيصلي من شجرة العز التي انجبت الصقر (عبدالعزيز),.
الى شبل الفيصل وامتداده صاحب السمو الملكي الامير نواف بن فيصل بن فهد بن عبدالعزيز يحفظه الله

شفت نواف فيصل قلت: ايبله حي هالشوف فيصل عاد لاحبابه عاد باهي الخطى والمجد والطله هذا هو للجمايل فاتح بابه هذا هو عاد للبيرق بيشتله فوق مجد جديد عاد يرقى به يا سليل الصخا والعز والمله يا عريب الجدود الخيّر النابه يا حفيد الفهود وشبل من ظله كم شموخ وكم مجد تفيا به انت نسله ومثله يا شبيه له وامتداده,, شموخه,, غالي القابه راح فيصل وقلنا: ما مثيل له وجيت لحن حناجرنا تغنى به جيت وقلوبنا تصلى على مله جيت وعيوننا تبكي من اسبابه جيت والحزن فينا غاير كله عقب فيصل غرس بقلوبنا نابه جعل فيصل ذرى الفردوس مثوى له وجعلها في يمينه مسكة كتابه يكتسي من حرير وسندس حله ويعل فيها طهور طاب مشرابه شفت فيصل تنوف بامر عبدالله ثاقب الفكر من راية تهقوى به سيف فيصل تهقوى فيه واستله وهقوة الحر تدمي مثل مضرابه راي ليث الليوث وحل في حله عاش من اشار فيه وعاش من جابه