احيي حياتك مثل منتي تودين
عسى جميع اوقات عمرك سعاده
انا مروح مدري من وين لاوين
يمكن اعود ويمكن ابعد زياده
شكواي لله من هموم تردين
وماعاد ينفع بي طبيب العياده
كم ارتجيت وقلت يمكن تحنين
وقلبك مع الايام نكسب وداده
وادلعك واقول يا بعد الادنين
وانتي على نار تحتها رماده
وكم من مكان انظرك فيه تاتين
وارجع وحالي من نكاد بنكاده
لكن اشوف اليوم بالحيل تقسين
واثر القسا عندك من الصغر عاده
مدري بتالي الوقت بقلبي شتسوين
والصبر يعلن في فؤادي نفاوه
يكفي دموعٍ فوق خدك تهلين
ماتنفع الدمعه ولافيه فاده
والدمع عاده في عيون المحبين
والدمع عنوان الاسى والقراده
حكم القدر معروف بين الملايين
اما سعادة اوحياة الجلاده
وان كان قلتي الدرب هوينتهي وين
لاتسأليني مقدر اعطي افاده
شريت حبك وانتي بعتيه وبعتين
وسلمتك زمام الامر والقيادة
تستاهلين الصد والهجر والبين
ومنك السحايب مارجينا رعاده
ضحيت لاجلك بكل مملك وتدرين
ولامرةٍ سمعت منك الإشادة
