ألوم نفسي ماني بلايم الناس
مالي على لوم المخاليق ملزوم
من لا يفكر قبل ماالوضع ينحاس
يستاهل انه يسهر الليل مهموم
كثر السهر يثر على العين بنعاس
والجسم من بعد التعب راحته نوم
دنيا شقاها يظهر الشيب في الراس
والعمر مره والاجل غير معلوم
الدم حره يشعر القلب باحساس
ممات دمه ما صحا دايم الدوم
حنا عرب من راس جد وعلى ساس
ما نرخص الغيره مثل مذهب الروم
العز للرجال قيمة ونبراس
من عز نفسه يبعد الشك والحوم
