انتي اللي نزلتي وانتي اللي رحلتي
وانثنيتي وجيتي تزرعين بخريفك
شوفي اللي زرعتي به ورود وشتلتي
يمكن ان لك بقايا شوق به تستضيفك
وان تحاشا غرامك فانتي اللي قتلتي
كل نبضة مشاعر حب في حد سيفك
كان لك خير منهل عذب جمه نهلتي
إرتوي به عطش دنياك وأغراك طيفك
ما أنكر انك غرامه واذكر انك نفلتي
كل من له علاقة ولف واصبح وليفك
احتواك وعطاك ومن نهارٍ نزلتي
لاشكيتي هجير ولا لواهيب صيفك
انشغل بك عن العالم وعنه انشغلتي
مايشوف بجمال الكون كله وصيفك
لين فيه انعزلتي وانعزل وانعزلتي
واستون عنده الثنتين واصبح ضعيفك
