عل الصحاري ليلة البرد تدفى
لارجعت ريح الشتاء ذكرى الاصحاب
بردان واجد عسعس الليل,, تكفى
طاح النداء وتبللت كل الأعشاب
دام الوصل مقطوع وشلون يشفى
الخافق اللي داخله جرح ماطاب
أنت أعتبرها,, دبر العمر واقفى
وأنا أعتبرها,, حب وقلوب شياب
لو الصحاري تصبح اليوم منفى
والله ل أهد خيام وآشدد اطناب
عطني أمل,, ماذقت من ويل كفّى
أنا أكبر أحلامي أبي,, شعر وأعتاب
زاد الظمأ,, ليت المشارب بتصفى
وغير الكدر لاتسأل الوقت وش جاب,,؟
ياوقتنا وف النوايا,, توفى
وش قيمة إحساسك ليا صار كذاب,,؟
زالت غيوم الصمت,, ماعاد ابجفى
أبي أعترف,, كلي أحاسيس وإعجاب
في قلوبنا ما عاد به شيء يخفى
تكفىيا وقتي ذكر أحباب ب أحباب
روح الزمن خشنة والأيام صلفى
مير الهوى لو يدخل النار ما ذاب
جيت أطلب التوبة من الحب ما أعفى
وللغربلة تفسير وظروف وأسباب
أدري القمر لو ماتت الشمس يطفى
مير القمر لو غابت الشمس ماغاب
ليل الشتاء تسري نجومه وتغفى
وفجر الشتاء نقض المواجع للأغراب
حاول تكون أفضل من الليل وأكفى
حتى يجي صبح المحبين جذاب
ربي طلبنامنك رحمة ولطفى
حقق رجانا,, والرجاء فيك ما خاب
برد وظلام وكل شيء تخفى
ما في عيوني غير شمعة وراء الباب
ياليتها تصفى الصحاري وتدفى
وإلا عساها تمتلي ثلج وتراب
