لو رحت لي هناك وأسرعت بخطاك
لا تنتظر رجعة حزين نساها
أنا الجريح اللي قدر أمس ينساك
تصاعب الخطوة وغصب مشاها
وانا الحزين اللي تعب من خطاياك
ونفسي مع الأيام جاها دواها
ولا تحسب إن حزني ترى من سواياك
قبل لا أعرفك زايد بي هناها
سود الليالي عذبتني بلياك
خلتني أصبر واتحمل شقاها
أنا قبل كنت أعشقك وأتمناك
ولا غبت همك وسط حالي طواها
كنت أتشفق وأتمنى ملاقاك
حب الجنون,, أغليك على عماها
واليوم يوم أني نسيتك بطرياك
والنفس منك قد تقبل عزاها
أرجوك تنسي من جرحته بفرقاك
ولا تنتظر رجعة حزين نساها
