لا تحسبني نسيتك يا هوى بالي
اجر ونة على طرياك واجذبها
ما انساك لو طالت الايام يالغالي
ما دمت حي على الدنيا وادوج بها
ما انساك يا من نزل في القلب منزالي
يا بلسم الجرح في كبد معذبها
يالله بمزن بروقه تشعل شعالي
تسقي به ارض وليفي عايش ابها
الطير له لجة في جوها العالي
والريم تسرح وتمرح في مناكبها
في وسط روض هواها يشرح البالي
ريح النفل والخزامى من عجايبها
يعجبك زين الخضار حزوم وجبالي
فيه ام سالم تجر الصوت معجبها
وانا اتعجب وبابدع زين الامثالي
لين الشعر يجرح الكبد ويذوبها
وباتعلى وباسكن بأعلى الجالي
واعز نفسي عن المنة وصاحبها
وباتهيض ولوه ما تهيالي
وباختبر نفسي القشرا واجربها
