عيدي بدونك بلا طعم ومذاق
وكل يوم معك كنه يوم عيد
واعنا العاشق بايام الفراق
ما يحس بفرحة العيد السعيد
وان شعر لحظة فرح والبال راق
عكره بعد الاحبة من جديد
التفرق نار شوقه ما تطاق
وا عنا المشتاق واحبابه بعيد
دايم افكاره مع الهم بعناق
دايم لذكرى الأحبة يستعيد
ولا تذكر بعدهم والصدر ضاق
وماجت الدنيا على ما هو يريد
وصار هو والهم دايم في سباق
وضاعت أفكاره من الهم الشديد
وطولة الغيبات زادته اشتياق
وكل يوم يمر اشواقه تزيد
كيف يشعر ان للفرحة مذاق
او يحس بلذة العيد السعيد
