جوال: عيدك مبارك ياجوال؟
مجول: الله يبارك فيك ويخليك دامك صافي,, ولا تأثر من اللي هم حواليك!!
جوال: افا يا العلم اعيد عليك وتعود علي!
مجول: الظاهر انك ياجوال مخفه وتطير في العجه, انا اقصد جوالك أصفى من جوالات الربع!
جوال: ماتجوز يامجول عن غمزك ولمزك إلا ماتقولي وين قضيت العيد.
مجول: على شواطي السواحل الدافئة وين ظنك في هالسيدة وكم عمل الحصان الفلاني وادهنوا الثاني
جوال: انت الحفيظ يازين الخيل وعلومها
مجول: الا صفقات العيد ليش غابت شمسها!
جوال: ينتظرون حضرته يهل علينا
مجول: قصدك مزاد ال2000!
جوال: عز الله انك سميته يامجول
مجول: عسى الله يجيب الشراية ياجوال
جوال: يقولون لجنة المزاد اوفدت مندوبها لدول الخليج
مجول: اقول عسى الله يطول عمار شيوخنا ياجوال!!
جوال: وش اخبار السباقات
مجول: ابشرك خيل امريكا الجنوبية بتركض اليوم
جوال: الله يبشرك بالخير هي تأقلمت
مجول: وش تقول في مركاض جمران وفواز
جوال: واجد,, ماتوقعها إلا في السباق الكبير
مجول: انشهد ان فيه من توقعها
جوال: الا شفت الأمين.
مجول: الأمين باللعون امنها والكحيلة ان شاء الله عصر اليوم بتؤكدها؟!
جوال: تعظيم سلام للقرارات المدروسة
مجول: انشهد وعسى خيل الوطن دوم قدام