من ظمى ما يملا كفينه سراب
تركض عيونه وراء وهمٍ بعيد
رحت ابشرب وانكسر كاس السحاب
في كفوف الشمس والقيض الشديد
قلت أبروي في ثرى الخافق شعاب
وأسقي غروسٍ بكى فيها الجريد
جيت ضامي ما تهيا لي شراب
اعتذر لي وجه الايام العنيد
حبَّت الرمضا مشاوير العذاب
في عيونن كفنن حلم شهيد
من ظمى لا يلحق اللال العتاب
ياخذ الدنيا على العلم الوكيد
والهجير اللي تواقد بالتراب
ولله اني لا كسي امتونه جليد
