بشر تراني من غثاء البال مليت
ونفسي من الواقع تزيد ارتياعه
احزان وهموم وجروح وتناهيت
تجمعت والكون ضاق اتساعه
همي كبير وشتت الفكر تشتيت
كني غريب يشتكي من ضياعه
حزني يسابق خطوتي وين ماجيت
يجتاحني ما بين ساعة وساعه
عانيت من جور الليالي وقاسيت
متى الفرح عندي يرفرف شراعه
ما ينفع الكسلان ياليت ياليت
لصار ما نال السعد من ذراعه
هذي حياتي كل ما صبحت وامسيت
وياليتني ارتاح لو ربع ساعه
