طال الغياب وخاطري منك ما طاب
انت المرام ومعك باقي تعاليل
انا لجل عيناك حاولت الاسباب
حاولت لكن صار مابه محاويل
تعال وارجع شوف ياسيد الاحباب
حال الجريح اللي وقع بالمحابيل
اللي رماني بالدرك سود الاهداب
سود الرموش المظلمة كنها ليل
رمش العيون اللي بها ماس جذاب
ماسه جذبني من طوال الغراميل
جيته محول من لواميح مرقاب
قبله نشيط وبعدها فاتر الحيل
الخد يشكي ينزف الدمع سكاب
شوف الجريح اللي دموعه هماليل
