يمر العيد ما تسأل عسى عيدك فرح وسرور
تصورتك تهنيني بعيدي كأول انساني
بعيد الناس عايدني غريبه منك هذا قصور
كبيرة شرهتي,, تقوى حبيب العمر تجفاني,,؟
الا يازين لو تدري عن اشواق بكت وتثور
يمر اليوم مثل امسي بغربه جوها احزاني
سليت وعشت في دنياك نسيت المغرم المجيور
نسيت انك امل عمره ولك قدرٍ ولك شاني
بسامح كل زلاتك ظروفك والخطأ معذور
مدام انك باحساسك تناجي بوح وجداني
عفيف وصادق احساسك جمال الروح بك منثور
وهذا ماجبرني فيك يا اقرب كل خلاني
