يا شهيل هات لنا القلم هو والاوراق
خل القلم يا شهيل تبدى رسومه
والله لا اجيب القاف مع كل طوراق
يوم ان ولد اللاش ضيّع سلومه
الله خلق خلقه ومشى له ارزاق
وكل على قده يفصل هدومه
رزق البشر مضمون بيدين خلاق
علام ما بالفلك سارت نجومه
والرزق ماهو عند شرسين الاخلاق
الرزق عند اللي ينشي غيومه
ولد الردي لو هو يصافيك بواق
عزي لمن يبغيه يقضي لزومه
ترى الردي لو طاب يومين ينعاق
ما من صمايل,, لا تغرك علومه
والطيب ما حدد مع الناس بسياق
الطيب بين الناس كل يهومه
احد يوفق به واحد عنه ينعاق
لو هو يبي النوماس ضيّع يمومه
