مما بصدري سر الايام ذاري
وبصوتي المبحوح عبرات وحزون
من موت عيني دمعتي وانكساري
امشي بضيقاتي ولا الناس يدرون
عمري حزن وافراح قلبي طواري
في وسط جوفي كايد الجرح مدفون
في كوكب العالم توقف مداري
باحزاني اللي تتلف الروح بالهون
مالي مع الخلان ذكرى وطاري
في عالم النسيان راحوا وخلون
تعبت انا ارقب مع نوافيذ داري
واهجج البيبان يمكن يمرون
مل الصبر من ضيقتي وانتظاري
ياليت مالي بالمخاليق مضنون
ماعدت انا املك في يديني قراري
مني زمام امري لغيري يتلون
