ليتك تبادلني شعوري والاحساس
والا تصارحني بما كان تخفيه
بين الرجاء يامشعل القلب والياس
خليتني في موقفٍ صرت أنا فيه
ما أعرف أنا لك غاية بين الأجناس
تلعب على كيفك بقلبي وتشقيه
مالك عيار في المودة ومقياس
تبعد بحبك عن فؤادي وتدنيه
ولالك مبادي في غرامك ولاساس
وأول شعورك في الهوى مثل تاليه
يوم تواعدني بودك والاوناس
ويومٍ تهرّب عن هواي ودواعيه
ويوم أقول إنك لعوبٍ وبلاس
ما ينعرف فرحك وجدك وخافيه
جرحت قلبي مثل تجريح الأمواس
تضحك وتغضي بالغناجه وتكويه
في الحب ما سوى سواتك من الناس
أحدٍ ولا في أهل الهوى من يسويه
إن كان قصدك بي شقايه والاتعاس
فما جا فؤادي من فعايلك يكفيه
