تاخذني الذكرى على طيف الاحزان
واكتم خفوق الشوق واخفي جروحي
على عشير غاب عني ولا بان
اللي ملكني م الملا وزاد نوحي
بفراقه القى غربتي منه حرمان
ليت الامل يشفع يحقق طموحي
اشكي غيابه كم انا صرت ولهان
لو اكتم الخافي عيوني تبوحي
عهد مضى وياه لا شك له شان
ذكراه تبقى في خيالي تفوحي
بصبر وصبري ما جنا غير الاشجان
عسى مناة الروح يسمع ويوحي
ما لي على حكم القدر اي سلطان
غصب علي اقضي الليالي بروحي
