شايف خفوقي بين هم وغرابيل

يمسي بهم ويصبح بهم ثاني

ليلي سرى بين الورق والمناديل

وجرح وسواليف المكان لزماني

الصمت عشقي ما هويت التفاصيل

لو انها ارفع من طوال المباني

ادور اللي كنه الجدي وسهيل

اشيل غلطاته وهو ما نساني

وكم واحد ما اجيب طاريه لا قيل

ولا اشره على اللي صد عمد وجفاني

احمل الايام شيل المحاصيل

قلبي صمد ما اهتز بين الثواني

الخاطر الصابر يبي زود تطويل

والعذر من قلب وحروف ومعاني

انسان طول العمر ما ارضى لي الميل

وان ضاق صدري ما تكلم لساني