ودي اسولف عن غلاك ومحبتك
لكن اخاف اغلط غلط غير مقصود
غلطة غلا من زود حبك وهيبتك
انظر غلاك بخافقي غير محدود
وصدقني اني معجب في طبيعتك
الله يخليني بغلايه لك اجود
ما شفت مثلك بالحلا وكثر طيبتك
طيبٍ على غيرك من العالم يكود
ليا نبض قلبي فرح حين شوفتك
دورني ماني فيه ماني بموجود
نفس الشعور ونفس يا شوق عادتك
نشوة فرح وليا التقينا كذا تعود
اموت في هرجك وضحكك ونظرتك
معجب بك اي والله معجب بك وزود
مدري اناظر بك او اسمع لهرجتك
اضيع في هرجك وبعيونك السود
