مانيب انا اللي خذيت الشعر لي صنعة
ولا عطيته مغني تطرب لحونه
يا بايعٍ شعرك اوضعته عقب رفعه
والقاف يشكي فعول اللي يهينونه
ان قلت شعري فما قلته لجل سمعه
ما غيرأونس به الخافق ومكنونه
شعري جزيلٍ غرفته من وسط نبعه
ما اشابه اللي رخيص الشعر يشرونه
إن جاء وسط شعرهم بانت به اللمعه
رمز الاصالة رفيع وشعرهم دونه
ما وقّظ الشعر فيني من بعد هجعه
إلا غزال طرح من هم يبارونه
خذا الجمال وتبقى ربع من رُبعه
وزّع على غيره من الغيد من لونه
نوّر ظلامي واوقد في الدجى شمعه
وصارت حياتي رهينة بالغلا عيونه
لاني ولد عمه ولانيب من رَبعه
اعطاني الحب دون اوزان موزونه
الطبعة الاولى