تفتخر في جدها والا رغدها
بنت كساب الوفا راع الحميا
بسمةٍ هم الليالي ما هجدها
وردةٍ في وسط بستان تفيا
ما درت عن قصة العين وسهدها
عن قصيد اسهيل واسرار الثريا
عن بزوغ الصبح من قبلي نشدها
لا طويت الليل في جرحٍ تهيا
ترفةٍ ما قبلها والا بعدها
حدها الرائد على اطراف العليا
قلت اسافر عن غلاها وافتقدها
صرت اروح هناك والقاها هنيا
الجمال اللي خذاني لين يدها
والله اني لا عذلت القلب عيا
تسكن عيوني وبضلوعي بلدها
يا جعل عمري فدا ذاك المحيا
تفتخر في جدها والا رغدها
بنت كساب الوفا راع الحميا
الطبعة الاولى