يا هلا باللي على المنصات معتاد الصعود

الزعيم اللي يبيض وجه من سانده

الى خابت الهقوات في غيره هو الكريم اللي يجود

خسران من لا شجعه خسران منهو عانده

واللي غرامه سايقه لغير الزعيم ما ظني يفود

ما شاف تسعة وعشرين بطولة شاهده

عرش الرياضة له مقام وبالزعامة هو يسود

من غيره اللي شرف بلادي وجاب الشارده

المجد يشهد ما على هذا الزعيم شيٍ يكود

فيه الرئيس فيه الرجال فيه النجوم الواعده

يبو محمد لك بياض الوجه والفعل محمود

ولا هانوا أعضاءها لكيان لهم مواقف سانده

وحنا جماهير الزعيم الوافية لكم وقود

لنا الفخر ندعم كيانٍ به رجال صامده

الله يجعل كل موسم به بطولات تزود

لك يا زعيم الأندية ويكفيك العيون الحاسده