بالله ابسالك صدق إشلون تنسيني
وأنا على خبركم فالحب وحداني
كنت أصغر الكل والحب بشراييني
كان اعذب الحب ينطق صدق بلساني
كنت أصل بيتكم وافرّك يديني
ادور اعذار لايطلع حدٍ ثاني
كان الخجل كاسي وجهي وخديني
وليا طلعتي ادورني ولا القاني
كنت أقف بصمت لين اليل يحييني
أتعبت أهلي عليه واكبر اخواني
كنت أقطف أزهار ولبيتك توديني
وكنت أحذر الشارع اللي خلف جيراني
يامارسمتك بكراسي وفي عيني
ويامارسمتك شعر وتخون الاوزاني
وحبك وانا طفل اجل وشلون هالحيني
وانتي خفوقي ونظراتي ووجداني
اي والله اعلوم كانك ماذكرتيني
الله على الوقت غيّركم وعناني
الطبعة الاولى