على حد السحاب اللي رسم بالكون احلى لون
تجلت قدرة الخلاق رب الكون سبحانه
بدت في عيني الدنيا مثل نقش نقش بفنون
بيد رسام تشكيلي بدع رسمه مع الوانه
خيال ضمني بأسره وانا بالأسر مالي عون
انا للزين كل الزين طوع له وفي رهانه
مثل ماني بطوعه روح عمري نوري المزيون
ملاك الزين دستوره وهو تاجه وسلطانه
بديع الوصف ماله وصف بالدنيا ولا بالكون
خذا قلبي وهو قلبي مفاتيحه وسجانه
اطير بذكر محبوبي واناشد طاير الحسون
على حلو النغم اشدو مع العصفور بالحانه
واعانق طيفه الساري على النجمة بنار شجون
واتوه بعالم يرمي حياتي وسط نسيانه
انا كلي لمحبوبي حبيب وعاشق ومفتون
لو اني سمت انا عمري فهو لأجله ومن شانه
الطبعة الاولى